Commons:Benvenite
Que es Wikimedia Commons?
Wikimedia Commons es un repositorio de files multimedial que rende disponibile a omnes le contento multimedial del dominio public o liberemente licentiate (imagines, sono e video). Illo functiona como un repositorio commun pro le varie projectos del Fundation Wikimedia, ma non es necessari pertiner a un de iste projectos pro usar le multimedia albergate sur iste sito. Le repositorio es create e mantenite non per artistas pagate ma per voluntarios. Lo que es e non es acceptate sur Commons se explica sur le paginas Commons:Project scope.
Wikimedia Commons usa le mesme technologia wiki que Wikipedia e tote le mundo pote modificar lo. In contrasto con le files multimedial incargate a altere projectos, le files incargate a Wikimedia Commons pote esser incorporate in le paginas de tote le projectos de Wikimedia sin necessitate de incargar los a illos separatemente.
Lanceate le 7 de septembre 2004, Wikimedia Commons habeva un million de files multimedial le 30 de novembre 2006 e contine al momento 131 418 607 files. Ulterior informationes de fundo super le projecto Wikimedia Commons mesme se trova in le declaration general de non-responsabilitate, in le pagina de Wikipedia sur Wikimedia Commons e in su pagina sur Meta-wiki.
Alteremente que le repositorios multimedial traditional, Wikimedia Commons es libere. Tote le mundo ha le permission de copiar, usar e modificar liberemente omne file del sito, a condition que on seque le terminos specificate per le autor; isto frequentemente significa dar credito appropriate al fonte e al autor(es) e publicar copias/meliorationes sub le mesme conditiones de libertate. Le conditiones de licentia de cata file multimedial individual se trova sur lor pagina de description. Le base de datos de Wikimedia Commons mesme e le textos in illo es licentiate sub le Licentia Creative Commons Attribution/CompartiSimile. Plus informationes quanto al re-uso se trova a Commons:Reusing content outside Wikimedia e Commons:First steps/Reuse.
Participar
Tu pote meliorar Wikimedia Commons le plus si tu contribue lo que tu pote facer le melio:
Contribuer tu obra
Si tu es un bon photographo, non hesita a contribuer tu imagines valorose. Si tu es un bon designator graphic, reguarda qual diagrammas e animationes es multo in demanda.
Contribuer tu habilitates
Nonobstante, non es necessari incargar tu proprie files. Existe multe altere labor importantissime a facer:
- Traducer pagina in un lingua altere que anglese
- Meliorar imagines
- Identificar objectos non cognoscite
- Contribue tu cognoscentia juridic sur questiones concernente le derecto de autor e requestas de deletion
- Forni retroaction pro adjutar a resolver le categorias in discussion
- Importar multimedia de fontes multimedial libere
- Adjuta a disveloppar le software detra le sito e le instrumentos de Commons per resolver problemas de codice o contribuer a projectos como le app mobile de Commons
Contribuer tu tempore
Non es mesmo necessari esser un artista o un bon scriptor de textos de adjuta. Si te place crear ordine ex chaos, alora nos pote usar tu mano auxiliar!
- Omne vice que tu vide un file con informationes incomplete de licentia o de origine, adde le etiquetta
{{subst:nsd}}a illo. - Da un categoria al files non categorisate.
- Mitter files in subcategorias pertinente
- Implementar travalios de categorisation
- Multe ressources de multimedia libere attende un inclusion in iste projecto.
- Nomina o vota pro Imagines Eminente (inscription necessari).
- Trovar e reverter vandalismo
Guida
Inscription
A fin de poter incargar files a Wikimedia Commons, tu debe aperir session. Tu pote inscriber te con le ligamine “Aperir session / crear conto” in alto al dextra del pagina e entrar un nomine de usator que essera usate pro tote tu incargamentos/modificationes de imagines e textos. Nonobstante, si tu solmente vole modificar paginas, non es necessari aperir session (ben que es incoragiate facer lo). Si tu ha un conto sur un altere wiki de Wikimedia, tu es ja inscribite sur Commons tamben.
Introduction: le prime passos
Nostre file de adjuta pro le prime passos e nostre FAQ te adjutara multo post registration. Illos explica como personalisar le interfacie (per exemplo le lingua), como incargar files e le base de nostre politica de licentias. Non es necessari disponer de habilitates technic pro poter contribuer ci. Sia audace quando tu contribue ci e presume bon fide quando tu considera le intentiones de alteres. Isto es un wiki - illo vermente es facile.
Ulterior informationes es disponibile in le Portal del communitate. Tu pote poner questiones in le Village Pump (taverna) o in le canal IRC #wikimedia-commons webchat.
Le files in Wikimedia Commons es organisate in categorias e galerias. Un summario del categorias que nos usa se trova in le pagina principal.
Pone quadros Babel sur tu pagina de usator pro indicar al alteres le linguas que tu parla e tu capacitates graphic. Tote tu incargamentos se immagazina in tu galeria personal. Per favor, digita ~~~~ sur le paginas de discussion pro signar tu messages con tu nomine. Si tu copia files de un altere projecto, non oblida usar le importator de files.
Servicios e software additional
Si tu vole incargar un grande numero de imagines, il ha multe instrumentos de incargamento a tu disposition, per exemplo VicuñaUploader. Si tu require informationes specific sur le instrumentos pro visualisar o modificar nostre contento, vide le pagina sur le software e le pagina sur le instrumentos.
Nos spera que tu gaudera de tu presentia ci e que tu te divertera.
